einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6431 der in einen wec leiteüber des palas breite: wan dô het erz ersuochet gar. nû nam er einer stiege war: diu selbe stiege wîst in6436 in einen boumgarten hin: der was sô breit und sô wît daz er vordes noch sît deheinen schœnern nie gesach. dar in hete sich durch gemach6441 ein altherre geleit: dem was ein bette gereit, des wære gewesen vrô diu gotinne Jûnô, do si in ir besten werde was.6446 diu schœne bluot, daz reine gras, die bâren im vil süezen smac. der herre hêrlichen lac. er hete ein schœnen alten lîp: und wæne wol, sî was sîn wîp,6451 ein vrouwe diu dâ vor im saz. |