einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3757 mir erbarmte nie sô sêreweder man noch wîp als iuwer wætlîcher lîp, sît ich iuch hiute lîden sach als missezæmen ungemach 3762 der einer vrouwen nie gezam. vil nâ si mînem herzen kam und iuch noch dicke lîden tuot iuwer grôze armuot. die verwîze ich iu durch übel niht, 3767 wan daz mir leide dran geschiht. nû zæmet ir wærlîche ze vrouwen wol dem rîche. wer gap iuch armen selhem man der enmac noch enkan 3772 iuch gêren ze rehte? er hât iuch ze einem knehte. der selbe iuwer geselle - daz in got velle -, der vlîzet sich dar zuo 3777 waz er iu leides getuo. |