einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5668 daz iu die risen hânt getân.jâ enwirt es nieman erlân swer sô manheit üeben wil, in enbringe geschiht ûf daz zil daz er sich schamen lîhte muoz: 5673 dar nâch wirt im es buoz. wie dicke ich wirs gehandelt bin!" mit dirre rede trôste er in. er sprach: "diz ist mîn rât, daz ir durch nieman lât 5678 ir enleistet iuwer vart, als si ûf geleget wart, ze Britanje in daz lant. dâ ist ez alsô gewant, daz ich iu wil zewâre sagen, 5683 ez enmac ein ritter niht bejagen in deheinem lande anderswâ bezzer lop dan ouch dâ. swer ez dâ gevürdern kan, der wirt schiere ein sælic man. 5688 nû muote ich einer êre |