einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec101 sînem zorne kunde entwîchen.der ritter hete im genomen den lîp, wan Êrec was blôz als ein wîp. er gelebete im nie leidern tac dan umbe den geiselslac 106 und enschamte sich nie sô sêre wan daz dise unêre diu künegîn mit ir vrouwen sach. als im der geiselslac geschach, mit grôzer schame er wider reit. 111 alsô klagete er sîn leit, schamvar wart er under ougen: "vrouwe, ich enmac des niht verlougen, wan irz selbe habet gesehen, mir ensî vor iu geschehen 116 eine schande alsô grôz daz ir nie dehein mîn genôz eines hâres mê gewan. daz mich ein sus wênic man sô lasterlîchen hât geslagen 121 und ich im daz muoste vertragen, |