einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2816 sus antwurte im der guote:'herre, ir habet mir wâr geseit. swer guote gewarheit im selben schaffet, daz ist sin.' guoter naht wunschte er in2821 und schiet lachende dan. der wîselôse man hôrte gerne disen spot unde lobete sîn got, der selben unwirdikeit.2826 swelh versmæcheit unde leit sînem lîbe wære geschehen, diu hete er gerne gesehen. hete im der ungeborne grôze slege von zorne2831 über sînen rücke geslagen, daz hete er gerne vertragen, ob sîner sünden swære iht deste ringer wære. Des übelen vischæres wîp2836 erbarmte sich über sînen lîp. |