Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3889 son geloube ich niht daz er noch lebe.'
        er sprach: 'ob daz von gotes gebe
        iemer möhte geschehen
        daz man in iuch lieze sehen,
        nû saget wie: getriuwet ir doch
3894 ob ir in erkandet noch?'
        si sprach: 'mich entriege mîn sin,
        ich erkande in wol, und sæhe ich in.'
         Er sprach: 'nû saget des ich iuch bite,
        weder wære iu dâ mite
3899 liep oder leit geschehen,
        ob ir in müeset sehen?'
        si sprach: 'ir muget wol nemen war,
        ich hân mich bewegen gar
        lîbes unde guotes,
3904 vreuden unde muotes
        gelîch einem armen wîbe:
        mir enmöhte ze disem lîbe
        dehein vreude mê geschehen
        niuwan diu, müese ich in sehen.'
3909 Er sprach: 'sô gehabet iuch wol,
[ zurück ]