einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich211 beide mîn silber und mîn golt, ich mache iuch mir alsô holt daz ir mich harte gerne nert.< >mir wære der wille unerwert< sprach der meister aber dô, 216 >und wære der arzenîe alsô daz man si veile vunde ode daz man si kunde mit deheinem liste erwerben, ich enlieze iuch niht verderben. 221 nu enmac des leider niht sîn; dâ von muoz iu diu helfe mîn durch alle nôt sîn versaget. ir müeset haben eine maget diu vollen manbære 226 und des willen wære, daz si den tôt durch iuch lite. nu enist ez niht der liute site daz ez ieman gerne tuo. sone hœret ouch anders niht dar zuo 231 niuwan der maget herzebluot; |