einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich348 von gotes gebe ein süezer geist. Ir dienest was sô güetlich. dô der arme Heinrich driu jâr dâ entwelte und im got gequelte 353 mit grôzem sêre den lîp, nû saz der meier und sîn wîp und ir tohter, diu maget von der ich iu hân gesaget, bî im in ir unmüezikeit 358 und weinden ir herren leit. der klage gienc in michel nôt, wan si vorhten daz sîn tôt si sêre solde letzen und vil gar entsetzen 363 êren unde guotes, und daz herters muotes würde ein ander herre. si gedâhten alsô verre unz der selbe bûman 368 alsus vrâgen began. |