einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2011 dô begundes sêre riuwendaz sî ir grôzen triuwen wider sî sô sêre engalt, wand sî ir vluochet und sî schalt. si gedâhte 'waz hân ich getân!2016 ich solde sî geniezen lân daz sî mir wol gedienet hât. ich weiz wol daz sî mir den rât niuwan durch alle triuwe tete. swâ ich gevolget ir bete,2021 daz enwart mir nie leit, und hât mir ouch nû wâr geseit. ich erkenne nu lange wol ir muot: sî ist getriuwe unde guot. ich hân sî übele lâzen.2026 ich möhte wol verwâzen mîne zornige site: wan dâ gewinnet niemen mite niuwan schande unde schaden. ich solde sî her wider laden:2031 daz kæme mir vil lîhte baz. |