einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3143 ze welhen staten ich iu kam,dô ich iuch von dem tôde nam. ez wære umb iuch ergangen, het ichz niht undervangen. daz ich ez ie undervienc,3148 daz iuwer ende niht ergienc, des wil ich iemer riuwec sîn: wan diu schult ist älliu mîn; wan daz ichz durch triuwe tete. ez vuocte mîn rât und mîn bete3153 daz sî leit und ungemach verkôs der ir von iu geschach: wand ich het ir ze vil geseit von iuwer vrümekheit; unz daz sî iu mit vrîer hant3158 gap ir lîp unde ir lant, daz ir daz soldet bewarn. nû hânt ir sô mit ir gevarn daz sich ein wîp wider die man niemer ze wol behüeten kan.3163 deiswâr uns was mit iu ze gâch. |