einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4989 sus was im an den risen gâch:sîn lewe volget im allez nâch. Dô in der rise komen sach, daz was sîn spot, unde sprach 'ouwê, ir vil tumber man,4994 waz nemet ir iuch an daz ir sô ungerne lebet und sus nâch tem tôde strebet? daz ist ein unwîser rât: und swer iu daz gerâten hât,4999 dem ist iuwer leben leit, und wil sich mit der wârheit vil wol an iu gerochen hân swaz ir im leides habt getân, und hât sich ouch gerochen wol,5004 wand ich daz schiere schaffen sol daz ir im niemer mê getuot deweder übel noch guot.' Des antwurt im her Îwein sô 'rîter, waz touc disiu drô?5009 lât bœse rede und tuot diu werc: |