Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1204 „daz hâst dû dicke wol vernomen.“
        und hâst dû niht wan eine nôt?
        „wære ir iht mê, daz wære mîn tôt.“
        wâ von mac doch diu selbe sîn?
        „dâ twinget mich diu frouwe mîn.“
1209 so geloube mir, mich deste baz.
        „lîp, ist ouch dir daz?“
        nû wâ von wære mir anders wê?
        „sô schaf selbe daz ez ergê.“
        wâ mite? „daz sagete ich dir ie.“
1214 so enweiz ich noch leider wie.
        „dâ hœret arbeit zuo.“
        nû waz gebiutestû mir daz ich tuo?
        „dâ diene ir vil schône.“
        wie lange? „unz sî dir lône.“
1219 swaz ich tuon, daz ist dîn sælekeit.
        ir ist vil lîhte mîn dienest leit.
        „Dar ûz solt dû ez bringen.“
        sage mir, mit welhen dingen?
        „dâ mite ob dû in rehte tuost.“
1224 daz ist des dû mich bewîsen muost.
[ zurück ]