Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

140 mîn muot im sîn niht fürbaz nimet.
      daz ist doch mîn freude gar
      daz ich gedenken getar;
      ir enist ouch niht mêre.
      nû wil sî des haben êre
145 daz ich von ir verderbe
      und gar âne freude werbe.
      herze, daz machet mir dîn rât
      der mich ir niht entwenken lât.
      Sît ich niht guot verdienen sol
150 noch leide mac emphliehen wol,
      so gedenke ich dicke durch einen list
      dâ rede von guoten wîben ist
      von den die sî erkennent.
      so si danne die besten nennent
155 und sagent waz diu tugende hât
      und rüegent der andern missetât,
      sô swîge ich vil stille.
      und wære daz mîn wille
      daz mich eteswer an ir ræche
160 und ir iht arges spræche

[ zurück ]