Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

162 daz wîbe missezæme,
      etelîchiu mære
      daz sî mir unmære
      und daz ich ir vîent müese sîn,
      so entuont sî niht den willen mîn,
167 wan so hœre ich niht wan einen munt:
      in sî niht bezzers wîbes kunt.
      dar an gewinne ich dan niht mê
      wan daz mir wirt wirs dan ê.
      ouch hete ich hie vor den sin,
172 des ich von leide nu âne bin.
      Herze, wan mirs dîn gewalt erbunde,
      daz ich ouch erkennen kunde
      ein guot wîp als ein ander man.
      got weiz wol daz ich niht enkan
177 an ir erkennen wan guot,
      lieze sî niuwan den einen muot
      den si wider mich nû lange hât.
      herze, nû sprich, waz ist dîn rât?
      Dû hieze mich ir dienen ie;
182 daz tæte ich gerne, wiste ich wie.
[ zurück ]