einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage307 Daz tuon ich danne durch den listdaz ieman wizze waz mir ist; wan ich getar nieman sagen 'daz herze hiez michz eine tragen.' daz ist mîn aller meister slac.312 ich enweiz wes ich dir danken mac; wan ich den man wol funde der mir gerâten kunde, getorste ich râtes frâgen. daz ich doch mînen mâgen317 mîniu leit niht klagen sol, herze, dar an tuost dû niht wol, sît ouch dû mir niht râtes gîst. sô grîfe ich dicke dâ dû lîst und kæme dir es gerne ze klage;322 so ist alsô guot daz ich ez verdage, wan sô verest dû dar inne - daz heize ich unminne - von freuden als ein vogellîn. nu wie möhtest du ungetriuwer sîn?327 wan ich solde zuo dir haben fluht; |