Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

524 und ein mezzer in mich stechen,
      daz het ich vil wol versolt.
      wan dû mir daz gelouben solt,
      wære ich gewaltic über dich
      sô dû bist über mich,
529 daz ich hende hæte,
      dîn leben wære unstæte,
      ich tæte dir vil schiere schîn
      daz ich unschuldic welle sîn
      des kumbers den ich von dir hân.
534 der müese dir ze leide ergân.
      Dû sprichest dîn kumber sî mîn rât.
      dû weist wol wiez dar umbe stât,
      daz ich sô vil niht wizzen mac
      wenn ez sî naht oder tac.
539 ich erkenne übel noch guot,
      ich bin weder frô noch ungemuot,
      wan als ez mich von dir wirt ane brâht.
      dû hâst dich der rede niht wol bedâht,
      daz dû mich dar umbe sprichest an
544 des ich schulde nie gewan.
[ zurück ]