einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage905 dich vlêgen began,sît hete ich mînen lantman sînes schaden ê erbeten. wir sîn niht rehte zesamen geweten, wan wir ziehen niht gelîche.910 man solde uns wærlîche von ein ander scheiden; daz kæme uns rehte beiden. Stüende der gewalt an mir diu dinc ze verenden als an dir,915 des er leider niht entuot - ich enhân gewaltes niht wan muot und den frîen gedanc -, dû müesest under dînen danc nâch gelobtem worte leben.920 nu enist mir leider niht gegeben des gewaltes mêre - daz schadet uns beiden sêre - wan daz ich der râtgebe dîn ze allen dingen solde sîn.925 nu enbist dû mir niht gehôrsam. |