einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1840 von einem sturmweter geslagenûf sîner muoter lant. daz was verhert und verbrant, als ich iu ê gesaget hân, daz ir niht mêre was verlân1845 niuwan ir houbetstat diu ouch mit kumber was besat. und als er die stat ersach, ze den marnæren er dô sprach daz si dar wanten1850 die segele und dâ lanten. Dô die burgære sâhen daz schef dort zuo gâhen, dô sazten si sich mit her disem scheffe ze wer.1855 nû zeicte in der ellende vridelîche hende und vrâcte die burgære waz ir angest wære. des nam si besunder1860 alle michel wunder, |