einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3134 vrouwe Ênîte wart dôbeide trûric und unvrô: wan si sach die vreise, daz si vorhte werden weise des aller liebisten man 3139 den ie vrouwe gewan, wan ez stuont im angestlîchen. waz möhte sich gelîchen sô nâhen gânder riuwe die si von ir triuwe 3144 durch ir mannes liebe leit? dô si in selhem zwîvel reit, ob si imz torste gesagen oder solde gedagen, nû redete si in ir muote: 3149 "rîcher got der guote, ze dînen genâden suoche ich rât: dû weist al eine wiez mir stât. mîner sorgen der ist vil, wan mir ein unsenftez spil 3154 in einer alsô kurzen vrist |