einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2573 der vrâge die ich nû begân:ich wæne ich si verspætet hân.' 'Vrouwe, ich weiz wol waz ir klaget: iu hât etewer gesaget daz ich sî ein ungeborn man.2578 weste ich wer iuch dar an alsus geleidet hæte, ezn gelægen mîne ræte niemer unz ûf sînen tôt: nû hel sich wol, des ist im nôt.2583 swer er ist, er hât gelogen: ich bin von einem herzogen vil endelichen geborn. ir sult mir volgen âne zorn daz wir der rede hie gedagen:2588 ich enmac iu vürbaz niht gesagen.' Sus antwurte im diu vrouwe dô: 'der rede enist niht, herre, alsô. jâ ensæhe ich den man weizgot niemer lachende an,2593 der mir von iu iht sagete |