Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4550 woldet ir iht ûz nemen.
        swaz ez nû sî des ich bite,
        dâ êret mich mite
        und lât die bete her ze mir,
        wand ich ir anders gar enbir.'
4555 Daz widerredte der künec Artûs.
        sus schiet er ûz sînem hûs
        vil harte zornlichen dan.
        er sprach 'ez ist vil manec man
        an disem künige betrogen:
4560 diu werlt hât vil von im gelogen.
        man saget von sîner miltekheit,
        ezn wurde rîter nie verseit
        swes er in ie gebæte.
        sîn êre sîn unstæte,
4565 dem er wol gevalle.'
        diz bâgen hôrten alle
        die von der tavelrunde.
        sî sprâchen mit einem munde
        'herre, ir habet missetân,
4570 welt ir den rîter alsus lân.
[ zurück ]