Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1318 daz kint vrouwe Ênîte
        ze ruowe nâch dem strîte.
        ir gebærde was vil bliuclîch,
        einer megede gelîch.
        si enredte im niht vil mite:
1323 wan daz ist ir aller site
        daz si zem êrsten schamic sint
        unde blûc sam diu kint.
        dar nâch ergrîfent si den list
        daz si wol wizzen waz in guot ist,
1328 und daz in liep wære
        daz si nû dunket swære,
        unde daz si næmen,
        swâ si sîn reht bekæmen,
        einen süezen kus vür einen slac
1333 und guote naht vür übeln tac.
        dô bat in der herzoge Îmâîn
        daz er die naht geruochte sîn
        mit im durch alle minne
        mit sîner vriundinne
1338 und bats ouch den geswîen.
[ zurück ]