Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2054 nû weiz ich doch wol daz ich hân
        beidiu sterke und den muot.
        ich wil benamen diz arme guot
        wâgen ûf disem spil.
        man klaget mich niht ze vil,
2059 ob ich von im tôt gelige:
        ist aber daz ich im an gesige,
        sô bin ich êren rîche
        iemer êwiclîche.
        daz wizze man unde wîp,
2064 mir ist lieber daz mîn lîp
        bescheidenlîche ein ende gebe
        dan daz ich lasterlichen lebe.'
         Grêgôrius sich des vil gar bewac
        daz er ez deheinen tac
2069 wolde vristen mêre:
        durch got und durch êre
        wolde er verliesen sînen lîp
        oder daz unschuldige wîp
        lœsen von des herren hant
2074 der ir genomen hâte ir lant.
[ zurück ]