einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2548 des entweich ouch im sîn vreude gar.vil grôz jâmer dâ ergie: wande zwei gelieber nie mannes ouge gesach. der guote sündære sprach:2553 'vrouwe, wie gehabet ir iuch sô?' vil kûme gantwurte si im dô, wande ir der sûft die sprâche brach. mit halben worten si sprach: 'herre, ich mac wol riuwic sîn.'2558 'waz wirret iu, liebiu vrouwe mîn?' 'herre, des ist alsô vil daz ich ez gote klagen wil daz ich ie ze der werlde kam: wan mir ist diu Sælde gram.2563 vervluochet was diu stunde von unsers herren munde dâ ich inne wart geborn. Unsælde hât ûf mich gesworn und behaltet vaste an mir den eit,2568 wan mir ie tûsent herzenleit |