einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich745 iuwer vreude muget hân, ob ich joch lebende bestân. belîbe ich âne man bî iu zwei jâr ode driu, sô ist mîn herre lîhte tôt, 750 und komen in sô grôze nôt vil lîhte von armuot daz ir mir selhez guot zeinem man niht muget geben, ich enmüeze alsô swache leben 755 daz ich iu lieber wære tôt. nû swîge wir aber der nôt, daz uns niht enwerre und uns mîn lieber herre wer und alsô lange lebe, 760 unz man mich zeinem manne gebe der rîche sî unde wert: sô ist geschehen des ir dâ gert, und wænet mir sî wol geschehen. anders hât mir mîn muot verjehen: 765 wirt er mir liep, daz ist ein nôt; |