einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2731 wan zewâre ez ist guot,swer gerne vrümeclîchen tuot, daz mans im genâde sage, daz er dar an iht verzage (wan dâ hœrt doch arbeit zuo);2736 und swer ouch dankes missetuo, daz man dem erbolgen sî: der ziuhet sich ouch lîhte derbî. Her Gâwein sprach 'mîn vrou Lûnete, iuwer rât und iuwer bete2741 hât mir liebes vil getân an dem besten vriunde den ich hân. er hât mirz allez wol geseit, wie im iuwer hövescheit dise êre hât gevüeget,2746 der in durch reht genüeget. er hât von iu ein schœne wîp ein rîchez lant und den lîp und swes ein man zer werlte gert. wær ich sô biderbe und sô wert2751 daz mîn gêret wære ein wîp, |