Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4269 lebenden gesehen hân.
        ez was mîn angest und mîn wân
        daz ir wæret erslagen.
        ichn hôrte dâ ze hove sagen
        von iu dehein daz mære
4274 daz iuwer iht wære.'
         Er sprach 'mîn vrouwe Lûnete,
        wâ was der noch ie tete
        des alle vrouwen ruochten
        die sînen dienest suochten,
4279 mîn lieber vriunt her Gâwein,
        der ie nâch vrouwen willen schein,
        ie ranc und noch tuot?
        het ir im gesaget iuwern muot,
        er hete iuch alles des gewert
4284 des ir an in hetet gegert.'
        sî sprach 'het ich den vunden,
        sô het ich überwunden
        mîne sorgen zehant.
        daz ich sîn dâ niene vant,
4289 daz was wunderlîchen komen.
[ zurück ]