Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

8000 ob irz niht hætet erwant.
        vür mînen lîp was iuwer leben
        ûf die wâge gegeben:
        dô gâbet ir mir disen lîp.
        ez verdienten niemer tûsent wîp
8005 die gnâde dier mir habt getân.'
        er sprach 'die rede sult ir lân.
        ir habt vaste überzalt:
        mir ist vergolten tûsentvalt
        swaz ich ie durch iuch getete.
8010 nû saget mir, liebe vrou Lûnete,
        weiz sî doch daz ich ez bin?'
        sî sprach 'daz wære der ungewin.
        sine weiz von iu, geloubet mirz,
        zer werlte mêre wan daz irz
8015 der rîter mittem lewen sît.
        si bevindetz noch ze guoter zît.'
         Dô riten sî ze hûse dan,
        und in bekam dâ wîp noch man.
        daz envuocte ouch anders niht
8020 niuwan ein wunderlich geschiht,

[ zurück ]