Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8114 die andern sêre weinten.
        waz si dâ mite meinten,
        daz weste der tugentrîche
        und entete dem niht gelîche
        als er dar umbe iht weste.
8119 Êrec der muotveste
        bedâhte sich vrœlîch und wol,
        alsam der unverzagete sol
        den man niht lîhte entsprechen mac.
        deheines swachen gelouben er phlac.
8124 er enwolde der wîbe liezen
        engelten noch geniezen.
        swaz im getroumen mahte,
        dar ûf hete er dehein ahte.
        ern was dehein wetersorgære:
8129 er sach im als mære
        des morgens über den wec varn
        die iuweln sam den mûsarn:
        ouch hiez er selten machen
        dehein viur ûz der spachen,
8134 daz man im dar an sæhe.
[ zurück ]