einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3287 diz gebôt Êrec.der pherde si dô phlac dar nâch als ein vrouwe mac: baz si enkunde. sâ zuo der stunde 3292 kûme eine wîle, niuwan drî mîle riten sî beide, ê daz ir aber leide von sorgen geschach, 3297 wan si vor ir ligen sach vünf roubære. man saget daz ez wære ein geselleschaft under in und daz si teilten ir gewin 3302 mit den die Êrec hete erslagen. der eine begundez den andern sagen. dise vünve und jene drî man von den ich iu vor gesaget han, die heten den walt in ir phlege 3307 unde lâgen bî dem wege, |