Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8000 und rehte wiez dar umbe stât,
        sît irs niht wellet haben rât.
        sist Joie de la curt genant."
        daz selbe wort ist unerkant
        uns tiutschen liuten:
8005 durch daz wil ichz diuten:
        des hoves vreude sprichet daz.
        ouch sagete er im vürbaz.
        er sprach: "muget ir warten?
        seht ir den boumgarten
8010 der under dem hûse lît?
        dâ hât sich nû vil manege zît
        ein ritter gehalten inne.
        si stât ze selhem gewinne
        als ich iu rehte wil sagen.
8015 swer si hie sol bejagen,
        daz hât er im ze rehte
        daz er si an im ervehte.
        der wirt ist sîn œheim.
        als noch ie an im schein,
8020 sô enlebet sîn gelîche
[ zurück ]