einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2281 diu dâ bî im vunden was.an der er tägelichen las sîn sündeclîche sache den ougen ze ungemache, wie er geborn würde2286 und die süntlîche bürde sîner muoter und sînes vater. unsern herren got bater in beiden umbe hulde und erkande niht der schulde2291 diu ûf sîn selbes rücke lac, die er naht unde tac mit sîner muoter uopte, dâ mite er got betruopte. Nû was dâ ze hove ein maget,2296 alsô karc, sô man saget, diu verstuont sich sîner klage wol, als ich iu nû sagen sol, wan si der kemenâten phlac dâ diu tavel inne lac.2301 er hete genomen ze sîner klage |