einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1433 mir gât ze herzen ir clagenâher danne ich iemen sage. möht ez mit vuoge geschehen, sô wold ich harte gerne sehen ir gebærde und ir ungehabe,1438 die ich dâ hœre bî dem grabe.' Die rede meinder niender sô: wan ern gæbe drumbe niht ein strô, ob sî mit glîchem valle dâ zehant alle1443 lægen ûf der bâren, die dâ gesinde wâren, âne die vrouwen eine. ouch enwas diu nôt niht cleine, daz er sî hôrte und niene sach.1448 nû buozte si im den ungemach, wande sî nâch sîner bete ein venster ob im ûf tete, und liez si in wol beschouwen. nû sach er die vrouwen1453 von jâmer lîden michel nôt. |