einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3375 in allem dem lande:und daz sî in erkande, daz was des schult; und doch niht gar. sî nam an im war einer der wunden3380 diu ze manegen stunden an im was wol erkant, unde nande in zehant. sî sprach her wider zuo den zwein 'vrouwe, lebet her Îwein,3385 sô lît er âne zwîvel hie, ode ichn gesach in nie.' ir höfscheit unde ir güete beswârten ir gemüete, daz sî von grôzer riuwe3390 und durch ir reine triuwe vil sêre weinen began, daz einem alsô vrumen man diu swacheit solde geschehen daz er in den schanden wart gesehen.3395 Ez was diu eine von den drin |