einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5061 dô entweich im der lewe dan,und entraf den lewen noch den man. im wart zuo dem slage sô gâch daz er sich neicte darnâch und ouch vil nâch dernider lac:5066 ê er erzüge den andern slac, dô hete sich her Îwein mit vil grôzen wunden zwein an im vil wol gerochen und daz swert durch in gestochen5071 dâ vor dâ daz herze lît. dô was verendet der strît, und viel von der swære als ez ein boum wære. Von des risen valle5076 vreuten sî sich alle, den wol dar an was geschehen. sî heten heiles gesehen den rîter der des lewen pflac: wand sî lebeten vür den tac5081 âne angest unde ân nôt, |