Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3832 sô geschiht ez under iuwern danc.
        iuwer wer ist mir hie ze kranc.
        iuwer geselle
        var swar er welle:
        ir müezet hie mit mir bestân.
3837 diu rede sol ein ende hân."
        als si sînen ernest sach
        und daz erz von herzen sprach,
        vil güetlîchen sach si in an,
        den vil ungetriuwen man,
3842 und lachete durch schœnen list.
        si sprach: "ich wæne iu ernest ist.
        herre, zürnet ir niht:
        wan iu der rede unnôt geschiht.
        ez was zewâre mîn wân,
3847 ir hetet die rede durch schimph getân.
        wan ez ist iuwer manne site
        daz ir uns armiu wîp dâ mite
        vil gerne trieget
        - ich getar niht sprechen: lieget -,
3852 daz ir uns vil ze guote
[ zurück ]