Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

695 war tuot ir iuwer sinne?
      lânt in ir der er baz gezeme
      und diu in von rehte neme.
      daz ist hie mîn vriundîn:
      der sol er billîchen sîn."
700 Êrec sprach: "herre guot kneht,
      ir habet den sparwære âne reht
      genomen disiu zwei jâr.
      nû wizzet rehte vür wâr,
      es enmac niht mêre geschehen,
705 es enwellen iu die liute jehen.
      ez muoz under uns beiden
      diu ritterschaft scheiden."
      er sprach: "jungelinc, ob iu wære
      der lîp ze ihte mære,
710 sô liezet ir enzît
      iuwern kintlîchen strît,
      wan ir in nû schiere wirs lât,
      sô ez an den lîp gât.
      ich sage iu vor wie iu geschiht.
715 ir erbarmet mir niht:
[ zurück ]