einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8672 âne die trûrigen schar,diu beleip dar ûfe gar, wan den was sô leide geschehen daz si des niht wolden sehen daz si beswârte mêre. 8677 von al ir herzesêre was doch diz ir meistiu nôt daz ir niht ruochte der tôt. nû wâren die gazzen in der stat und diu dach gar besat 8682 von den liuten die des biten wenne er kæme geriten. enmitten reit Êrec nider jenen burcwec der in zem boumgarten truoc. 8687 nû hôrte er untrôstes genuoc und ir stille liezen. die liute im niht gehiezen baz oder dehein senfter nôt, wan daz im gewis wære der tôt. 8692 des begunden si sô vil gesagen, |