Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2839 des scheltens des in der man tete
        umbe sîn dürfticlîche bete,
        des ervolleten ir diu ougen.
        si sprach: 'des ist unlougen
        er ensî ein guot man:
2844 zewâre ich sihe ez im wol an.
        got lâze dichs niht engelten:
        dû hâst getân ein schelten
        daz dînem heile nâhen gât.
        dû weist wol daz dîn hûs stât
2849 den liuten alsô verre.
        swenne dich unser herre
        dîner sælden ermande
        und dir sînen boten sande,
        den soldestû emphâhen baz
2854 und vil wol bedenken daz:
        dir enkam dehein dürftige nie,
        sît wir begunden bûwen hie,
        wan dirre armman
        der ouch niht vil dar an gewan.
2859 swelh man sich alle tage
[ zurück ]