einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3411 nu enmohte er niht loufen drâte,wande er gebende hâte an ietwederem beine. er viel zuo dem steine: sus wolde er sich verborgen hân.3416 dô er si sach zuo im gân, dô brach er vür die schame ein krût. sus vunden si den gotes trût, einen dürftigen ûf der erde, ze gote in hôhem werde,3421 den liuten widerzæme, ze himele vil genæme. Der arme was zewâre erwahsen von dem hâre, verwalken zuo der swarte,3426 an houbet und an barte: ê was ez ze rehte reit, nû ruozvar von der arbeit. ê wâren im diu wangen mit rœte bevangen3431 mit gemischeter wîze |