einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3553 wart mir ie herren vuore kunt,der ist vergezzen ze dirre stunt. ich bin der liute ungewon, den bin ich billichen von. ir herren, nemet selbe war,3558 mir sint verwandelt vil gar der sin, der lîp und die site die dem von rehte wonent mite der grôzes gewaltes phlegen sol: ich enzime ze bâbest niht wol.3563 vil sæligen liute, nû lât mir daz hiute ze einem heile sîn geschehen daz ir mich hie habet gesehen und geruochet iuch erbarmen3568 über mich vil armen und gedenket mîn ze gote. wir haben von sînem gebote, swer umbe den sündære bite, dâ lœse er sich selben mite.3573 nu ist zît daz wir uns scheiden: |