Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1380 den die er erkande
         der sælden und der güete,
         daz si in ir gemüete
         sînes gelückes wæren vrô.
         von schulden muosen si dô
1385 von den gnâden vreude hân
         die got an im hete getân.
           Diz wurden lantmære,
           daz genesen wære
           der guote Heinrich.
1386d des vreuten die liute sich,
           ez enbenæme eteswenne der nît,
           der sît Adâmes zît
           in der werlde nie gelac
           noch geliget unz an den suontac.
1387 Sîne vriunt die besten
         die sîne kunft westen,
         die riten unde giengen
         dâ si in emphiengen
         engegen im wol drîe tage.
1392 si engeloupten niemens sage
[ zurück ]