Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1253 dannoch sage ich iu mê:
        ir endurfet umbe in niht sorgen:
        er kumt iu selbe morgen
        und bringet mit im eine maget
        daz iu nieman saget
1258 daz er dehein schœner habe gesehen,
        muoz er der wârheite jehen."
        von disen mæren wurden dô
        vil herzenlîche vrô
        Artûs und diu künegîn
1263 und lobetens unsern trehtîn,
        daz im alsô jungen
        sô schône was gelungen
        und im sîn êrstiu ritterschaft
        mit lobelîcher heiles kraft
1268 iedoch alsô gar ergie:
        wan er begundes vor nie.
        oder ez wære
        gar ein nîdære,
        sône truoc im dâ niemen haz.
1273 ezn wart nie man geminnet baz
[ zurück ]