einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein482 und bat mir sagen mære.ich sprach 'bistu übel ode guot?' er sprach 'swer mir niene tuot, der sol ouch mich ze vriunde hân.' 'mahtû mich danne wizzen lân,487 waz crêatiure bistû?' 'ein man, als dû gesihest nû.' 'nû sage mir waz dîn ambet sî.' 'dâ stân ich disen tieren bî.' 'nû sage mir, tuont sî dir iht?'492 'sî lobetenz, tæt ich in niht.' 'entriuwen vürhtent sî dich?' 'ich pflige ir, und sî vürhtent mich als ir meister unde ir herren.' 'sage, waz mac in gewerren497 dîn meisterschaft und dîn huote, sine loufen nâch ir muote ze walde und ze gevilde? wan ich sihe wol, sî sint wilde, sine erkennent man noch sîn gebot.502 ichn wânde niht daz âne got |