Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1586 alsô schœne schein diu maget
        in swachen kleidern, sô man saget,
        daz si in sô rîcher wât
        nû vil wol ze lobe stât.
        vil gerne ich si wolde
1591 loben als ich solde:
        nû enbin ich niht sô wîser man,
        mirn gebreste dar an.
        selh sin ist mir unkunt.
        ouch hât sich manec wîser munt
1596 in wîbes lobe gevlizzen,
        daz ich niht möhte wizzen
        welhen lop ich ir vunde,
        ezn sî vor dirre stunde
        baz gesprochen wîben.
1601 si muoz von mir belîben
        ungelobet nâch ir rehte,
        wans gebrist mir tumben knehte.
        doch bescheide ichz sô ich beste kan
        und als ichz vernomen han,
1606 sô was ûzer strîte:
[ zurück ]