Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2037 bin eht ich sô wol gemuot
        daz ich mîn vil armez guot
        wâge wider sô rîche habe,
        daz ich iemer dar abe
        geêret und gerîchet bin,
2042 ob mir gevallet der gewin.
        ich bin ein ungelobeter man
        und verzagete noch nie dar an,
        ichn gedenke dar nâch alle tage,
        wie ich die sælde bejage
2047 daz ich ze vollem lobe gestê.
        nu enweiz ich niht wie daz ergê,
        ich enwâge drumbe den lîp,
        man hât mich iemer vür ein wîp
        und bin der êren betrogen.
2052 mac ich nû disen herzogen
        ûf gotes gnâde bestân?
        nû weiz ich doch wol daz ich hân
        beidiu sterke und den muot.
        ich wil benamen diz arme guot
2057 wâgen ûf disem spil.
[ zurück ]