Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6437 trehene begunde si vellen:
        der tisch wart von ir ougen naz
        al des endes dâ si saz.
        von jâmer want si ir hende,
        diu vil ellende,
6442 ir klage was vil stæte.
        swie vil der wirt gebæte
        daz si sichs wolde mâzen,
        nû enmohte sis niht gelâzen.
        nû sprach er aber ze ir:
6447 "vrouwe, ir machet iu und mir
        den jâmer al ze vesten
        und mînen lieben gesten
        die her durch vreuwen komen sint.
        und wæret ir niht ein kint,
6452 ir möhtet iuwer klage lân,
        und kundet ir iuch rehte entstân,
        wie rehte schône in kurzer vrist
        iuwer dinc gehœhet ist,
        doch iuch lützel noch bedrôz.
6457 ich gesach nie wunder sô grôz
[ zurück ]