Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8024 die si wolden bejagen,
        die hât er alle erslagen:
        im enmohte niht wider sîn.
        noch erwindet durch die liebe mîn."
        dô sprancte der künec Êrec
8029 vil sêre lachende ûf den wec.
        er sprach: "edel ritter, nû wol dan!
        und ist ez niuwan ein man
        an dem si ze gewinne stât,
        des möhte werden guot rât.
8034 wâ mite machet irz sô grôz?
        weder ist er berc oder berges genôz,
        daz man in alsô vürhten sol?
        ich wânde daz hûs wære vol
        gewürmes und wilder tiere
8039 diu uns alsô schiere
        âne wer den lîp næmen,
        sô wir dar kæmen.
        noch hân ich ze lebene wân.
        er enwirt doch des niht erlân,
8044 ob es got geruochet,
[ zurück ]