Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1636 des muotes niht ein klôsterman.
        nû wil ich dichs niht wenden mê.
        got gebe daz ez dir wol ergê
        und gebe dir durch sîne kraft
        heil ze dîner ritterschaft.'
1641 Nû schuof er daz man im sneit
        von dem selben phelle kleit
        den er dâ bî im vant:
        ez enkam nie bezzer in daz lant.
        er sach wol daz im was gâch
1646 unde machete in dar nâch
        ritter als im wol tohte
        sô er schierist mohte.
         Grêgôrius, dô er ritter wart,
        dannoch hete er im niht enbart
1651 umbe sîn tavel und umbe sîn golt.
        er was im alsô starke holt
        daz erz in hal durch einen list.
        er gedâhte: 'sît er nû ritter ist
        und er des guotes niene hât,
1656 sô hœret er lîhte mînen rât
[ zurück ]