Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3540 in allem disem wâne
        sô bin ich erwachet.
        mich hete mîn troum gemachet
        zeinem rîchen herren.
        nu waz möhte mir gewerren,
3545 wær ich in disen êren tôt?
        er hât mich geffet âne nôt.
        swer sich an troume kêret,
        der ist wol gunêret.
         Troum, wie wunderlich dû bist!
3550 dû machest rîche in kurzer vrist
        einen alsô swachen man
        der nie nâch êren muot gewan:
        swenner danne erwachet,
        sô hâstû in gemachet
3555 zeinem tôren als ich.
        zewâre doch versihe ich mich,
        swie rûch ich ein gebûre sî,
        und wær ich rîterschefte bî,
        wær ich gewâfent unde geriten,
3560 ich kunde nâch rîterlîchen siten
[ zurück ]